Отрантскиот замок зборува за приказната на Манфред, принцот од Отранто, кој сака да го сочува својот замок за потомците пред налетот на една мистериозна клетва. Романот почнува со смртта на синот на Манфред, Конрад, кој загинува утрото на својата свадба со убавата принцеза Изабела. Соочен со изумирањето на својата семејна лоза, Манфред се заколнува дека ќе се разведе од својата жена и самиот ќе се ожени со Изабела.

Отрантскиот замок меша елементи од реалистичната проза со натприродното и фантастичното, поставувајќи ги основите за она што се стане карактеристично за готскиот роман: тајни премини, опасни стапици, скриени идентитети и ранливите хероини што бегаат од луѓето што имаат само зли намери.