Романот на Даница Фичорска, со наслов „Планински акварел“, е динамична нарација, чии настани се одвиваат како на филмска лента. Имено, дејствието се случува на фонот на социјалните односи во една болница, односно во едно медицинско окружување низ кое се проткајува љубовната приказна меѓу еден неврохирург и невропсихијатарка, чии животни патеки сосема случајно се вкрстуваат во еден планински предел. Но текот на настаните ќе покаже дека ништо не е случајно и дека љубовта, особено ако е вистинска, мора да се соочи со различни препреки и предизвици за да доживее целосно остварување.