Приказната во овој роман е за четворица воени ветерани кои живеат во ист дел од Лондон. За да го исполнат аманетот што им го оставил нивниот верен пријател Џек Додс одат на патување до Маргејт за да му ја расфрлат пепелта таму. Голем дел од овој роман се состои од враќање со мислите во минатото за да се раскаже заплетканата приказна на заемните односи меѓу групата ветерани. Насловот „Последните наредби“, или во оригиналната верзија „Last Orders“ може да се протолкува не само како исполнување на последните наредби како аманет од починатиот другар, туку и како нарачка на последната тура во пабот пред фајронт.